თომა ჩაგელიშვილის დოკუმენტური ფილმის ჩვენება ბათუმში

25 დეკემბერს 19 სთ-ზე, ბათუმში თანამედროვე ხელოვნების სივრცეში „კავკასიური სახლი“ გეპატიჟებათ თომა ჩაგელიშვილის დოკუმენტური ფილმის „მე არ გადავკვეთე საზღვარი, საზღვარმა გადამკვეთა მე“ ჩვენებაზე.

დოკუმენტური ფილმი ასახავს ხურვალეთში მცხოვრები ოჯახის ისტორიას, რომელიც ადმინისტრაციული საზღვრის მიღმა აღმოჩნდა. ფილმი კიდევ ერთხელ გვახსენებს აგვისტოს ომის შედეგად დაზარებული ადამიანების ყოველდღიურ სირთულეებს. ფილმის მსოფლიო პრემიერა გაიმართა პრაღაში კინოფესტივალ One World-ზე, ხოლო ქართველი მაყურებლისთვის ფილმის წარდგენა დოკუმენტური ფილმების ფესტივალზე CinéDOC-Tbilisi შედგა.

ჩვენების შემდეგ გაიმართება დისკუსია, რომელსაც ფილმის რეჟისორიც დაესწრება. დისკუსიის დროს შესაძლებლობა გექნებათ რეჟისორთან ერთად განიხილოთ დოკუმენტურ ფილმთან დაკავშირებული თქვენთვის საინტერესო თემები.

ტრეილერი:

მოდერატორი:
გიორგი მასალკინი – ბათუმის შოთა რუსთაველის სახელმწიფო უნივერსიტეტის ასოცირებული პროფესორი.

ენა: ქართული ინგლისური სუბტიტრებით
მისამართი: ზვიად გამსახურდიას 1/5, ბათუმი. თანამედროვე ხელოვნების სივრცე
დასწრება თავისუფალია

ფილმის ჩვენება ტარდება საქართველოში ევროკავშირის სადამკვირვებლო მისიის ფინანსური მხარდაჭერით

Comments

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *