ეროვნული უშიშროების საბჭოს სხდომა აფხაზეთის საკითხთან დაკავშირებით შეიკრიბა

28 ოქტომბერს პრეზიდენტ გიორგი მარგველაშვილის მოწვევით შეიკრიბა ეროვნული უშიშროების საბჭო, რომელზეც რუსეთის მიერ აფხაზეთისთვის შეთავაზებული მოკავშირეობისა და ინტეგრაციის ხელშეკრულება განიხილებოდა. უშიშროების საბჭოს სხდომის შემდეგ პრეზიდენტმა განაცხადა, რომ საბჭოს წევრებმა ისაუბრეს იმ სამოქმედო გეგმაზე, რომელიც საქართველოს მთავრობამ უნდა დასახოს აფხაზეთის მიმართ შესაბამისი პოლიტიკის გასატარებლად. შეხვედრას დაესწრო პრემიერი ღარიბაშვილიც, რომელმაც ხაზი გაუსვა იმას, რომ პრემიერი და პრეზიდენტი აღნიშნული საკითხის ყველა დეტალზე თანხმდებიან, და რომ ეს სხდომა ნათელი დემონსტრირებაა იმისა, რომ მათ ერთად მუშაობა შეუძლიათ. პრემიერ-მინისტრმა ასევე დააფიქსირა მთავრობის შეშფოთება იმ ხელშეკრულების შესახებ, რომლის გაფორმებაც აფხაზეთსა და რუსეთს შორის იგეგმება. უშიშროების საბჭოს პრესსამსახურის ცნობით, პრეზიდენტის სასახლეში გამართულ სხდომაზე საქართველოს პრეზიდენტმა პარლამენტის წევრებისგან მიიღო რეკომენდაცია ხელისუფლების საპასუხო ქმედებების შესახებ.

Comments

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *