რუსეთ-თურქეთის პოლიტიკური კონფლიქტის შედეგები საქართველოსთვის

გიორგი კანაშვილი,

კავკასიური სახლის აღმასრულებელი დირექტორი

რუსეთ-თურქეთის პოლიტიკური ფლირტი კარგა ხნით გადაიდო.

გვაწყობს? – თითქოსდა კი.

რუსეთ-დასავლეთის კოალიცია სავარაუდოდ, ფორმალურად მაინც, აღარ შედგება. ყოველ შემთხვევაში იმ ფორმით რისი კონტურებიც იკვეთებოდა.

გვაწყობს? – თითქოსდა კი.

რუსეთს რეგიონში სულ უფრო მეტ სახელმწიფოსთან აქვს პრობლემა (თურქეთის დოქტრინაც “ნულოვანი პრობლემები მეზობლებთან“ ასევე კარგა ხანია ისტორიას ჩაბარდა).

გვაწყობს? – თითქოსდა კი.

შესაძლებელია თურქეთის პოლიტიკა აფხაზეთთან დაკავშირებით უფრო პრო-აქტიული გახდეს, თუმცა არა მაინცდამაინც პრო-ქართული.

გვაწყობს? – თითქოსდა კი.

თუმცა ეს ოთხი „თითქოსდა კი“ ჯამურად არანაირად არ ნიშნავს უფრო უსაფრთხო რეგიონს. მეტიც, გამოცდილება გვიჩვენებს, რომ ამ ტიპის კრიზისების დროს ჩვენი გეოგრაფიული მდებარეობის ქვეყნები ხშირად კონფლიქტის უშუალო მონაწილეებზე მეტადაც კი ზარალდებიან. ამიტომ, ჩემის აზრით, შექმნილი კრიზისი მხოლოდ ტაქტიკურად არის ჩვენთვის მომგებიანი, გრძელვადიან პერსპექტივაში კი მისი გავლენა რეგიონზე და საქართველოზე საკმაოდ ბუნდოვანია.

Comments

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *