თურქეთის საგარეო პოლიტიკის ძირითადი ორიენტირები ცივი ომის შემდგომ პერიოდში

2020 წლის დასაწყისში „კავკასიური სახლის“ მშვიდობისა და ინტეგრაციის პროგრამამ პროექტ „ინტერნეტ-დღიურთან“ თანამშრომლობით ახალ ინიციატივას „საქართველოს სამეზობლოს კვლევები“ ჩაუყარა საფუძველი. ინიციატივის მიზანია საქართველოს სამეზობლოს შესახებ ანალიტიკური და მულტიმედია მასალების შექმნა და შეგროვება, რათა სამოქალაქო და აკადემიური საზოგადოების დაინტერესებულ ნაწილს რეგიონის მთავარი აქტორების შესახებ ფუნდამენტური ცნობების მიღებისა და  გააზრებიის შესაძლებლობა ჰქონდეს.

ინიციატივის განხორციელების საწყის ეტაპზე ყურადღება თურქეთის რესპუბლიკაზე გამახვილდება. „კავკასიური სახლმა“ პირველ მკვლევრად სანდრო ბაკურაძე შეარჩია. სანდრო ბაკურაძეს დამთავრებული აქვს თბილისის სახელმწიფო უნივერსიტეტის აღმოსავლეთმცოდნეობის მიმართულების თურქული განყოფილება. ამასთანავე, სწავლობდა თანამედროვე თურქულ ლიტერატურას ანკარის ჰეჯეთთეფეს უნივერსიტეტში.  თურქოლოგი საქართველოს მეზობელი სახელმწიფოს პოლიტიკის, ისტორიის, რელიგიის, საზოგადოებისა და კულტურის შესახებ ხუთ სტატიას მოამზადებს, რომლებიც ჩვენი ორგანიზაციის ანალიტიკურ პორტალზე (regional-dialogue.com)  აიტვირთება. ამასთანავე, „კავკასიური სახლის“ You Tube არხზე განთავსდება თითოეული სტატიის წარმდგენი სპეციალური ვიდეო-რგოლი.

გთავაზობთ „საქართველოს სამეზობლოს კვლევების ინიციატივის“ მიმდინარეობისას დამუშავებულ პირველ ანალიტიკურ ტექსტს. სანდრო ბაკურაძის სტატიაში „თურქეთის საგარეო პოლიტიკის ძირითადი ორიენტირები ცივი ომის შემდგომ პერიოდში“ განხილულია თურქეთისა და შეერთებული შტატების, რუსეთის, ევროკავშირის, კავკასიის, ახლო აღმოსავლეთისა თუ ბალკანეთის ქვეყნების ურთიერთმიმართების პრობლემური საკითხები. ამასთანავე, აქცენტი არის დასმული უკანასკნელი მესამედი საუკუნის განმავლობაში თურქეთის საგარეო პოლიტიკაში განხორციელებულ ძირითად ცვლილებებზე.

იხილეთ სტატიის სრული ტექსტი

Comments

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *