„კავკასიურმა სახლმა“ დაიწყო განაცხადების მიღება სალექციო კურსში
„ქალაქის ურბანული და ეკოლოგიური განვითარება“ მონაწილეობის მისაღებად.
ბოლო კვლევების თანახმად, თბილისის მოსახლეობისთვის ერთ-ერთ მთავარ პრობლემას ქალაქის ეკოლოგია და ურბანული განვითარება წარმოადგენს. ქაოტური მშენებლობა, საგზაო და სატრანსპორტო სისტემა, ჰაერის დაბინძურება და საჯარო სივრცეების არარსებობა არის ის საკითხები, რომლებიც თბილისის მოსახლეობისთვის გამოწვევად იქცა. სალექციო კურსი აღნიშნული საკითხების განხილვას დაეთმობა. კურსის მიზანია თბილისში მცხოვრებ ახალგაზრდებს საფუძვლიანი ცოდნა მისცეს ურბანული განვითარებისა და ეკოლოგიური საკითხების შესახებ, აამაღლოს მათი ცოდნის დონე დედაქალაქში არსებული პრობლემების შესახებ, და ამგვარად, ხელი შეუწყოს მათ სამოქალაქო ჩართულობას.
სალექციო კურსის ფარგლებში ჩატარდება 10 ლექცია, რომლებსაც წაიკითხავენ დარგის სპეციალისტები. ასევე, პროექტის მონაწილეებს საშუალება ექნებათ, შეხვდნენ ეკოლოგიის და ურბანული განვითარების თემაზე მომუშავე საჯარო მოხელეებს. კურსის დასრულების შემდეგ, სალექციო კურსის მსმენელები მონაწილეობას მიიღებენ კონკურსში, სადაც ფოტო ნამუშევრის და/ან ესეს საშუალებით წამოადგენენ საკუთარ ხედვებს ურბანული განვითარების და/ან ეკოლოგიური პრობლემების შესახებ. გამარჯვებულები დასაჩუქრდებიან სიმბოლური პრიზებით.
სალექციო კურსი დაიწყება 10 აპრილს და დასრულდება 10 მაისს. ლექციები გაიმართება კვირაში ორჯერ 19:00-21:00 სთ.ზე
შერჩევის კრიტერიუმები
- ასაკი: 20-35წელი;
- სამიზნე ჯგუფი: სტუდენტები, მკვლევრები, რომელთაც სურთ შეიძინონ/გაიღრმავონ ცოდნა ურბანული განვითარების და ეკოლოგიის საკითხებზე.
სააპლიკაციო პროცედურა
დაინტერესებულმა პირებმა შეავსეთ განაცხადის ფორმა შემდეგ მისამართზე
განაცხადების მიღების ბოლო ვადა: 25 მარტი
დამატებითი ინფორმაციისთვის დაუკავშირდით თამარ ქავთარაძეს
ელ-ფოსტაზე: tamara1kavtaradze@gmail.com; ან ნომერზე: 577744470
ლექციების კურსი ტარდება “კავკასიური სახლისა“ და საერთაშორისო არასამთავრობო ორგანიზაცია „International Alert”-ის პროექტის „ახალგაზრდული სამოქალაქო დიალოგის ინიციატივა“ ფარგლებში
