26 სექტემბერს 20:00 სთ-ზე მზიურის კაფეში კავკასიური სახლი გეპატიჟებათ ვახტანგ კუნცევ-გაბაშვილის დოკუმენტური ფილმის LIFE IS BE ჩვენებაზე.
ფილმში 5 მთავარი გმირია და ყველას თავისი ისტორია აქვს. ისინი თელავში ერთმანეთის მეზობლად ცხოვრობენ. ერთი მათგანი გერმანელია და სათნოების სახლში პიანინოზე უკრავს. ის ყოფილი მეხანძრეა. განადგურებისგან გადაარჩინა წინანდლის სახლ-მუზეუმი. მეორეც გერმანელია, რომელსაც 20 წელია რაც შეუწყვიტეს ელექტროენერგიის მიწოდება. მან გამოიგონა ღუმელი, რომელიც გამოიმუშავებს დენს. მესამე პერსონაჟი 80 წლის ყოფილი კავშირგაბმულობის დირექტორია. მისი სახლი ისტორიული ძეგლია, მას იცავს სახელმწიფო. მაგრამ სახლი ავარიულ მდგომარეობაშია. მეოთხე პერსონაჟი – ყოფილი ინჟინერია, წარსულში თელავის უნივერსიტეტის ლექტორი. ის ზის სახლში, უსმენს როკ მუსიკას და უჩივის ცხოვრებას. მეხუთე პერსონაჟი – წარმატებული ფერმერია, ბიზნესმენი. მას ჭირდება დამხმარე ძალა, მაგრამ ვერავის პოულობს. არავის არ უნდა მუშაობა. თავის ფერმაში პატარა სალოცავი აქვს, სადაც ლოცულობს უკეთესი მომავლისთვის.
ჩვენების დასრულების შემდეგ გაიმართება დისკუსია, რომელშიც მონაწილეობას მიიღებს ფილმის რეჟისორი.
ენა: ქართული ინგლისური სუბტიტრებით.
დასაწყისი: 20:00
მისამართი: მზიური
დასწრება თავისუფალია!
ტრეილერი:
Life is Be TRAILER (Documentary, DCP, 80 min) from Vakhtang Kuntsev-Gabashvili on Vimeo.
ფილმის ჩვენება ტარდება „კავკასიური სახლისა“ და საერთაშორისო არასამთავრობო ორგანიზაცია „International Alert”-ის პროექტის „ახალგაზრდული სამოქალაქო დიალოგის ინიციატივა“ ფარგლებში
